Онцлох мэдээ

Хангай, Хэнтий нурууд, Хөвсгөл нуурын бүс нутагт Байгалийн нөөцийн үндэсний парк байгуулах болов 2013 оны 05 сарын 10-ны өдөр 10 цагт Төрийн ордонд Үндэсний аюулгүй байдлын зөвлөлийн нарийн бичгийн дарга Ц.Энхтүвшин Монгол Улсын Засгийн гарын гишүүн, Байгаль орчин, ногоон хөгжлийн сайд С. Оюунд “Байгалийн нөөцийн үндэсний парк байгуулах тухай” ҮАБЗ-ийн зөвлөмж, холбогдох бусад материалыг гардуулан өглөө. Монгол Улсын Ерөнхийлөгч Ц.Элбэгдорж Монгол орны ой, цэнгэг усны эх үүсвэр болох Хангай, [...] Цааш унших

ТХГН-т хамтын менежментийн зарчмыг нэтрүүлэх ажил эрчимжлээ Их Нартын байгалийн нөөц газар (БНГ) нь Монгол зүүн урд хэсэг, Дорноговь аймгийн Даланжаргалан, Айраг сумдын нутгийг хамран орших УИХ-ын 1996 оны 43 дугаар тогтоолоор хамгаалалтад авсан бөгөөд говь, хээрийн ландшафтын хослол бүхий унаган төрхөөрөө байгаа газруудын нэг билээ. Энэ нутагт нэн тэргүүнд хамгаалах шаардлага бүхий аргаль, янгир, хар сүүлт зээр, цагаан зээр, хулан, саарал [...] Цааш унших

УТХГ-ын хамгаалалтын захиргаадын 04 дүгээр сарын 4 дэх долоо хоногийн онцлох мэдээ 2013.04.29 ЗЭД ХАНТАЙН БҮТЭЭЛИЙН НУРУУНЫ ДЦГ-ЫН ХАМГААЛАЛТЫН ЗАХИРГАА Орчны бүсийн талаарх мэлдээллийг нэгтгэн гал түймэр, шар усны үерээс урьдчилан сэргийлэх талаар сэрэмжлүүлгийг орчны бүсэд амьдарч буй малчдад хүргүүллээ. ХАР-УС НУУР ОРчМЫН УТХГН-ИЙН ХАМГААЛАЛТЫН ЗАХИРГАА Хар-Ус нуурын хамгаалалтын захиргаанаас Загасны үржлийн гол цэг болох Ховд аймгийн Эрдэнэбүрэн сумын Сэжигтэйн хавцалд сумын [...] Цааш унших

УТХГ Хамгаалалтын захиргаадын 04 сарын 3 дахь долоо хоногийн онцлох мэдээ 2013.04.22 ХАН ХЭНТИЙН УТХГ-ЫН ХАМГААЛАЛТЫН ЗАХИРГАА Хэнтий аймгийн цагдаагийн хэлтсээс Хан хэнтийн УТХГ-ын хамгаалалтын захиргаанд өгсөн мэдээллийн дагуу 2013 оны 4 дүгээр сарын 16-ны өдөр Мөнгөнморьт суманд байрлах Хан хэнтийн УТХГ-ын хамгаалалтын захиргааны байгаль хамгаалагч Б.Энхболд, сумын цагдаагийн төлөөлөгчтэй хамтран Төв аймгийн Мөнгөнморьт сумын нутагт Тэнүүний гол, Элгэн орчмоор булш ухаж байсан 5 [...] Цааш унших

ШУУРХАЙ МЭДЭЭЛЭЛ 2013.04.18 Хэнтий аймгийн цагдаагийн хэлтсээс Хан хэнтийн УТХГ-ын хамгаалалтын захиргаанд өгсөн мэдээллийн дагуу 2013 оны 4 дүгээр сарын 16-ны өдөр Мөнгөнморьт суманд байрлах Хан хэнтийн УТХГ-ын хамгаалалтын захиргааны байгаль хамгаалагч Б.Энхболд, сумын цагдаагийн төлөөлөгчтэй хамтран Төв аймгийн Мөнгөнморьт сумын нутагт Тэнүүний гол, Элгэн орчмоор булш ухаж байсан 5 хүнийг саатуулан шалгаж Хэнтий аймгийн цагдаагийн хэлтэст [...] Цааш унших

Монгол Алтайн нурууны УТХГ-уудын менежментийн үр ашигтай байдлын үнэлгээ Монгол Алтайн нурууны УТХГ-уудын байгаль хамгааллын үйл ажиллагааны үр ашгийг дээшлүүлэх, бодит үйл ажиллагаанд нь үнэлгээ өгөх зорилгоор Дэлхийн Хамгаалалттай Газар Нутгийн Комисс, Дэлхийн банк, Дэлхийн байгаль хамгаалах сан (WWF)-аас боловсруулсан Хамгаалалттай газар нутгийн менежментийн үр ашигтай байдлын үнэлгээ(METT)-ээр 2 дахь жилдээ үнэлгээ хийж байна. 2011 оны үнэлгээг 2003 онд боловсруулсан арга зүйгээр, цөөн хүний [...] Цааш унших

Увс аймагт 3 жилдээ Экологийн олимпиад зохион байгууллаа БОНХЯ-наас 2013 оныг “Байгаль орчны боловсролыг дэмжих жил” болгон зарласантай холбогдуулан Экологийн олимпиадыг 3 дахь жилдээ Увс нуурын ай савын УТХГН-ийн Хамгаалалтын захиргаа зохион байгуулж явууллаа. Уг олимпиадад Эко клубд хичээллэдэг сурагчид нийт 21 багш, 30 сурагч оролцлоо. Энэ жил Эко олимпиадад оролцох сонирхолтой сурагч, багш нарын тоо нэмэгдсэнээрээ олимпиад улам сонирхолтой, өрсөлдөөнтэй болгож байлаа. [...] Цааш унших

МОНГОЛ УЛСЫН ТУСГАЙ ХАМГААЛАЛТТАЙ ГАЗАР НУТГИЙН СҮЛЖЭЭНИЙ МОНИТОРИНГ ҮНЭЛГЭЭ, АЖИЛЛАГСДЫН УРАМШУУЛАЛ, АЖИЛ ТАЙЛАГНАЛТЫН ӨНӨӨГИЙН ТОГТОЛЦООНД ХИЙСЭН ДҮН ШИНЖИЛГЭЭ Cудалгааны тайлантай ЭНДЭЭС танилцана уу. Цааш унших

Хаах

Archive for July, 2009

Friday, 17 July 2009 02:55 administrator 0 Comments

Орхоны хөндийн БЦГ-ын хамгаалалтын захиргаа хамтын ажиллагаагаа идэвхижүүлсээр байна

Орхоны хөндийн БЦГ-ын хамгаалалтын захиргаа хамтын ажиллагаагаа идэвхижүүлсээр байна

2009.06.30

Сургалт, олон нийтийн ажил

ОХБЦГ-ын хамгаалалтын захиргаа БОАЖЯ-наас зохион байгуулсан “Байгаль орчны ажилтнуудын зөвлөгөөн” сургалт, семинарт дарга, мэргэжилтнүүд болон байгаль хамгаалагч, байцаагч нартайгаа оролцлоо. Зөвлөгөөнд БОАЖЯ-ны дэд сайд Д.Идэвхтэн, ТХНУГазрын мэргэжилтэн, УМХЕГ, Өвөрхангай аймгийн ЗДТГ, БОАЖГ, Цагдаагийн газар, онцгой байдлын газар, Прокурорын газрын холбогдох хүмүүс оролцож байгаль орчны ажилтнуудад сургалт хийж хамтарч ажиллах зөвлөгөө өглөө.

Өвөрхангай аймгийн Хархорин суманд Сумын ЗДТГ, Татварын хэлтэс, Шүүх, зэрэг байгууллагуудтай хамтран “Нээлттэй өдөрлөг-нэг цэгийн үйлчилгээг” 2009 оны 4-р сарын 25-нд зохион явуулж иргэдэд мэдээлэл түгээлээ.

Мөн 2009 оны 05 сарын 30 нд ОХБЦГазарт хамаарагддаг Архангай аймгийн Хотонт, Хашаат, Өвөрхангай аймгийн Бат-Өлзий, Хужирт, Хархорин, Уянга сумдын ТХГНутгийн Орчны бүсийн зөвлөлийн дарга, гишүүдийг хамарсан сургалт ГТХАН-ийн “Биологийн төрөл зүйл ба уур амьсгалын өөрчлөлт” хөтөлбөртэй хамтран зохион байгууллаа.

Өвөрхангай аймгийн Хархорин сумын ЕБС–ийн II-р дунд сургуулийн сурагчдад ТХГНутгийн тухай болон байгаль хамгаалах талаар хичээл зааж, сурагчдын байгаль хамгаалах клуб байгууллаа. Сургуулийн 6-10 ангийн сурагчдийн дунд “Байгаль орчин–миний нүдээр” сэдэвт гар зургийн уралдаан зарлаж, дүгнэсэн. Хамгаалалтын захиргааны мэдээлэлийн төвд сургуулийн сурагчдад зориулан танин мэдэхүйн тоглоом / 4-н төрлийн / хийж байрлууллаа.

Өвөрхангай аймгийн Бат-өлзий суманд ОХБЦГ-ын хамгаалалтын захиргаа, Бат-өлзий сумын ЗДТГ, “ОРХОН” МСТөв хамтран Байгаль хамгаалах сарын аян зохион байгуулж байгаатай холбогдуулан Бат-өлзий сумын иргэд, нөхөрлөлүүдийн дунд Байгаль орчныг хамгаалах тухай хууль, Ойн тухай хууль, Тусгай хамгаалалттай газар нутгийн тухай хууль, Тусгай хамгаалалттай газрын орчны бүсийн тухай хууль, Хог хаягдлын тухай хуулиудаар хамгаалалтын захиргааны мэргэжилтэн, сумын байгаль орчны улсын байцаагч, эрүүл ахуйн байцаагч “Орхон” МСТ-ийн эрхлэгч нар илтгэл тавьж, ард иргэдийн сонирхсон асуултанд хариулт өгч, “Нутгийн иргэд манлайлсан байгаль хамгаалал” сэдэвт өдөрлөг зохион байгууллаа.

Хяналт шалгалтын талаар

Өвөрхангай аймгийн Хужирт сумын 4-р багийн нутаг болох Сайртад Улаанбаатар хот СХ дүүрэг 18-р хороолол 10-41-н тоотод амьдардаг МУИС-д химийн багш ажилтай гэх Содномдоржын Норжинбадам гэгч үзүүлэх ямарч бичиг баримтгүй судалгаа шинэжилгээний ажил хийж байгаа нэрийдлээр 3-н газарт 1,0 мХ 70см хэмжээтэй 4-6 метр гүнтэй гурван шрүф гарган шороо угааж байсныг зогсоон ухсан нүхийг нь даруулж Монгол улсын ашигт малтмалын тухай хуулийн 66-1-1-р заалтыг үндэслэн 500000 төгрөгөөр торгож арга хэмжээ авсан.

Мөн Өвөрхангай аймгийн Бат –Өлзий суманд зохих эрхийн бичиг зөвшөөрөлгүй гэрийн унь бэлтэн, тээвэрлэснийг илрүүлж газар дээр нь арга хэмжээ авлаа.

Тохижилт

Хамгаалалтын захиргааны хашааг цэцэрлэгжүүлэх зорилгоор улиас, шар хуайс, бургас зэрэг модоор нөхөн тарилт, цэцэгийн мандлыг ажилчдын хүчээр хийж гүйцэтгэлээ.
Мэдээллийн төвийн дотоод тохижилтонд номын сан -1, ханийн самбар -5, явуулын самбар -1, эвхдэг самбар -1, хаяг -1, Төвхөн дахь байгаль хамгаалагчийн ажлын байрны хаяг, сурталчилгааны самбаруудыг шинэчиллээ.
ГТХАН-ийн “Байгаль орчин мэдээлэл” төслийн санхүүжилтээр 2х1 хэмжээтэй ухуулга сурталчилгааны самбар -3, мэдээллийн төвд байгаль орчны чиглэлийн Англи, Герман, Монгол хэлээр хэвлэгдсэн номоор номын санг баяжуулсан. Мөн хамгаалалтын захиргааны эмблемтэй болж, танилцуулгаа шинэчилж Монгол хэлээр хэвлүүлсэн.
Аялал жуулчлалын бүс нутаг болох Төвхөн, Улаан цутгалан, Үүртийн тохой, Хүйсийн найман нуур, Хархорин сумдад аялагч жуулчлагчидад зориулан мэдээлэл сурталчилгааны самбар, таних тэмдэгүүд болон хогийн сав зэргийг хийлгэж байна. Төвхөн, Үүртийн тохой постны хаяг болон мэдээллийн самбаруудыг шинэчлэн байрлуулсан.

Мэдээлийг бэлтгэсэн: Х.Батцэцэг

Орхоны хөндийн байгалийн цогцолборт газрын хамгаалалтын захиргааны мэргэжилтэн

orkhon_khondii@yahoo.com

2009.06.30

Saturday, 04 July 2009 06:56 administrator 0 Comments

Уралдаанд материалаа ирүүллээ

Монгол улсын Тусгай хамгаалалттай газар нутагт хэрэгжүүлж буй хамтын ажиллагааны “ШИЛДЭГ ТУРШЛАГА” шалгаруулах уралдаанд дараах газрууд материалаа ирүүллээ.

№	Уралдаанд материалаа ирүүлсэн байгууллага, нөхөрлөл, иргэд, ААН	Хэрэгжүүлсэн ТХГН	Хэрэгжүүлсэн үйл ажиллагаа	Хамтран ажилласан
1	Хан-Хэнтийн УТХГН-ийн хамгаалалтын захиргаа / Улаанбаатар	Хан-Хэнтий ДЦГ	Хан-Хэнтийн ДЦГ-ын баруун хэсгийн том хөхтөн амьтдын тоо толгой, нөөцийн үнэлгээ	ШУА-ын Биологийн хүрээлэн
2	ШУ үйлдвэрлэлийн БИОС нийгэмлэг / Улаанбаатар	Богдхан уулын ДЦГ	Ойн улаан шоргоолжны ангилал, тархалтын судалгаа хийж тэдгээрийн амьдралтыг сайжруулах зорилгоор элсэн чихрийн нэмэлт тэжээл өгсөн	Викингийн ой ХХК
3	Г.Рэгзэд / Дархан-Уул аймаг, Орхон сум		Байгалийн бордоо
4	Гурван алаг нөхөрлөл / Ховд аймаг, Мөст сум	Мянган Угалзат БЦГ	Байгаль хамгаалал ба ядуурлыг бууруулах	Нөхөрлөл, ЗД, БОУБ
5	Ховд гаид ХХК / Ховд	Мөнххайрхан БЦГ, Монгол Алтайн нуруу	Монгол-Алтай эндемик дөрвөлжин далавчит царцаа (Ecipophleps Serg.Tarb) –тай биологийн аргаар тэмцэхэд Ягаан тодол (Sturnus roseus L.,) шувууг хэрэглэх нь	Ч.Чулуунжав Д.Нямдорж
6	Хустайн БЦГ хамгаалалтын захиргаа	Хустайн БЦГ	Байгаль хамгаалал ба ядуурлыг бууруулах, судалгаа шинжилгээ	Орон нутаг, Малчид, ШУ байгууллага, ТББ, Их сургууль
7	“Хөвчийн ноён” ТББ / Хэнтий аймаг, Батширээт сум	Онон-Балж БЦГ орчны бүс	Мод ортлох зөрчлийг таслан зогсоосон	Рашаан хад ойн нөхөрлөл, Онон Улз хөдөлгөөн
8	Оюут нөхөрлөл/ Өмнөговь	Говь гурван сайхан БЦГ	Байгаль хамгаалал ба ядуурлыг бууруулах	Говь гурван сайхан БЦГ ХЗ, бусад нөхөрлөл
9	Чух нөхөрлөл / Дорнод, Дашбалбар	Монгол Дагуур ДЦГ орчны бүс	Байгаль хамгаалал ба ядуурлыг бууруулах	ЗД
10	Дагуурын шинж нөхөрлөл	Монгол Дагуур ДЦГ орчны бүс	Байгаль хамгаалал ба ядуурлыг бууруулах	Гангар хун хүүхдийн клуб
11	Увс нуурын ай савын УТХГН-ийн хамгаалалтын захиргаа /Увс аймаг, Улаангом	Увс нуурын ай сав ДЦГ	Хууль бусаар ашигт малтмал олборлогчдыг таслан зогсоох, Биологийн төрөл зүйлийн судалгаа, БО сургталчилгаа, ойжуулалт	ДБХС, хүүхдийн клуб, нөхөрлөл, Аймгийн БОА
12	Отгонтэнгэр ДЦГ ХЗ	Отгонтэнгэр ДЦГ	Байгаль хамгаалал	Малчид
13	Говь Гурван сайхан БЦГ-ын хамгаалалтын захиргаа /Өмнөговь аймаг, Даланзадгад	Говь Гурван сайхан БЦГ	Нөхөн сэргээлт, байгаль хамгаалал ба ядуурлыг бууруулах	Нөхөрлөл
14	А.Энхтөр		Тахь нутагшуулах
15	Мөнххайрхан ЦГ ХЗ	Мөнххайрхан БЦГ	Судалгаа шинжилгээ, байгаль хамгаалал ба ядуурлыг бууруулах	Нөхөрлөл, баг ЗД

Шинэлэг санаа, шилдэг туршлагаасаа харамгүй хуваалцаж материалаа ирүүлсэн та бүхэнд талархалаа илэрхийлье.

Уралдааны дүн 2009 оны 7 сарын 10-нд гарна.

Б.Мөнхчулуун

munkhchuluun@wwf.mn

Wednesday, 01 July 2009 00:00 administrator 0 Comments

2009 оны 9-р сарын 18-24 өдрүүдэд болсон “Намрын Ногоон Өдрүүд” үзэсгэлэн худалдаанд оролцсон тухай товч тайлан

АХБ-ны ЯЯБСангийн санхүүжүүлэлтээр ДБХС-ийн хэрэгжүүлж байгаа Нутгийн иргэдэд түшиглэсэн БНМ-эээр ядуурлыг бууруулах төслийн хүрээнд 2009 онбы 9-р сарын 18-24 өдрүүдэд Улаанбаатар хотод болсон Намрын ногоон өдрүүд үзэсгэлэн худалдаанд төсөлд хамрагдсан Өмнөдэлшэр, Биндэр, Батширээт, Баян-Адрага болон Дадал сумын нийт 17 малчид болон малчдын бүлгийн гишүүд, бизнес эрхлэгчид оролцон өөрийн орон нутгийн хамгийн шилдэг 9 төрлийн экологийн цэвэр бүтээгдэхүүнийг Улаанбаатар хотын хэрэглэгчдэд нийлүүлж, нийт 4, 250,000 гаруй төгрөгийн борлуулалт хийлээ. Уг үзэсгэлэн худалдааны үеэр ОГСГ-ын экологийн цэвэр бүтээгдэхүүнийг хэрэглэгчдэд таниулснаас гадна ОГСГ-ын суртчилгаа болон Улаанбаатар хотын хэрэглэгчдийн зах зээлийн судалгааг давхар хийж нийт 200 гаруй хэрэглэгчдийн судалгааг авсан.

Уг үзэсгэлэн худалдаанд оролцсноор малчид болон орон нутгийн бизнес эрхлэгч нар доорхи үр дүнд хүрлээ:

Улаанбаатар хотын зах зээлд ОГСГ-ын экологийн цэвэр бүтээгдэхүүнийг таниулах анхны алхам амжилттай хийгэв
30 орчим аж ахуйн нэгж, хувь хүнтэй бизнесийн холбоо тогтоосон нь цаашид бүтээгдэхүүнээ тогтвортой нийлүүлэх борлуулалтийн сүлжээний суурь боллоо.
Зах зээлд бүтээгдэхүүнээ үнэ нэмэгдүүлэн борлуулахад сав баглаа боодол, шошго ямар ач холбогдолтой,
Баг болон хамтран ажиллах нь илүү үр дүнтэй гэдгийг ойлгож авлаа.
Өөрийн эрхэлж буй бизнес болон үйлдвэрлэлийн чиглэлээр туршлага судалж мэдээлэл цуглуулсан.

Би энэ үзэсгэлэн худалдаанд оролцож 620 гаруй мянган төгрөгийн гүйлгээ хийсэндээ их баяртай байна. Өөрийн орон нутаг болон бүтээгдэхүүнээ суртчилах хэрэгцээ, сав баглаа боодлын ач холбогдол зэрэг маш их зүйлийг сурч авч бас мх олон санаа төрлөө. 4 бизнесийн түнштэй болсон бас сард нэг удаа цөцгий нийлүүлж байхаар болсон. Энэ үзэсгэлэн худалдаанд оролцох боломж олгосон ДБХС-ийн хөтөлбөрийн газарт их баярлалаа.

Дадал сумын малчны Чулуут бүлгийн ахлагч Б. Оюунтуяа::