Жилийн жилд шинийн 8-ны билэгт сайн өдөр Дархан цаазат Богдхан уулын “Зэндмэнэ” овоонд гарч хийморио сэргээх гэсэн олны хөл их байдаг ч овоо хогонд дарагдан үлддэг. 2006 онд Монгол Улсын Үндэсний Их сургуулийн оюутны “Экологи-Эрдэм” клуб санаачлага гарган Дэлхийн Байгаль хамгаалах сангийн Монгол дахь хөтлөбөрийн газар, Шашин ба байгаль хамгааллын холбоо зэрэг байгууллагуудтай хамтран Зэндмэнэ овоо болон тэр орчмын газрыг цэвэрлэж овооны дэргэд анхааруулга, санамж, уриалга бүхий 3  самбарыг байрлуулсан билээ.

Энэ өдөр байгаль орчноо хамгаалах үйлсэд оюутан залуусыг татан оролцуулж, байгальд хандах хандлагыг бүтээлч байдлаар өрнүүлэх, орчин үеийн оюутан залуучуудад уламжлалт байгаль хамгаалах зан үйл, ёс жаягийн тухай мэдээлэл хүргэхэд гол зорилгоор Дархан цаазат Богдхан уулын “Зэндмэнэ” овоог тохижуулах өдөрлөгийг Нийслэлийн Засаг даргын хэрэгжүүлэгч агентлаг Байгаль орчны газар, Дэлхийн байгаль хамгаалах сан (WWF)-гийн Монгол дахь хөтөлбөрийн газар, Гандан Тэгчинлэн хийдийн Шашний Их сургууль, Цахилгаан тээвэр компани, Монгол Улсын Үндэсний Их сургуулийн оюутны “Экологи-Эрдэм” клуб, Богдхан уулын дархан цаазат газрын хамгаалалтын захиргаатай хамтран зохион байгууллаа.

Өдөрлөгт идэвхтэй оролцсон нийт хүмүүст талархал илэрхийлье.

 Улаанбаатар хот Зэндмэнэ овооноос….