Хөвсгөлийн ТХГ-ын хамгаалалтын захиргааны мэргэжилтэн, байгаль хамгаалагчдыг чадавхижуулах сургалт Хөвсгөл аймгийн Хатгал тосгонд 2010 оны 02 сарын 20-нд зохион байгуулагдлаа.

Зохион байгуулагч:  Хөвсгөлийн ТХГ-ын хамгаалалтын захиргаа

Сургалтын зорилго: Хөвсгөлийн ТХГ-ын хамгаалалтын захиргааны мэргэжилтэн, байгаль хамгаалагчдыг чадавхижуулах, ТХГ-ын биологийн олон янз байдлын судалгааны анхан шатны мэдээг нэгтгэж, мониторингийн дүнг хамгааллын менежментэд тусгах, сургалт сурталчилгааны ажлыг орчин үеийн хандлагад нийцүүлэх, чанар үр өгөөжийг дээшлүүлэх

Сургалтын нэр:

1.    ТХГ-ын мэргэжилтэн, байгаль хамгаалагчдын илтгэх ур чадварыг сайжруулах, сургалт, сурталчилгааны ажлыг  үр дүнтэй зохион байгуулах арга зүй, оролцогч талуудтай хэрхэн ажиллах

2.    Байгаль орчны мэдээлийн сан  /ТХГН дахь биологийн олон янз байдлын мониторинг судалгааны мэдээллийг нэгтгэх «Био Сан» программын сургалт  

Үйл ажиллагаа: 

·         ТХГ-ын  дарга Л.Даваабаяр 2009 оны  ажлын  товч тайлан, 2010 онд хийх ажлын төлөвлөгөө, зорилтын талаар  илтгэл тавилаа. 

·         Мөн мэргэжилтнүүд чиглэлийнхээ дагуу илтгэл тавьж хичээл заав.

·         БОАЖЯ, Байгаль орчин шинэчлэл-2 төслөөс зарласан “Лусын эзэд” уралдааны  удирдамжийг танилцуулж идэвхтэй оролцохыг уриаллаа. 

·         Байгаль хамгаалагчдын дунд оролцогч талуудад мэдээллийг оновчтой, сонирхолтой хэлбэрээр хүргэх өврийн самбар \зөөврийн\ хийх уралдаан зарлалаа.

·         Мэргэжилтэн байгаль хамгаалагчдыг Хөвсгөл нуур мэдээллийн төвөөр оруулж оролцогч талуудад сурталчилгааны материалыг ямар хэлбэр, арга замаар хүргэх,  байрлуулах талын заавар зөвлөгөө өгч үзүүлэнтэй танилцууллаа.

Мэдээлэл бичсэн С.Наранцэцэг

Хөвсгөлийн УТХГН-ийн хамгаалалтын

захиргааны мэргэжилтэн

naraa_hatgal@yahoo.com

2010.03.01