Бэлчээрийн менежмент гэдэг нь зөвхөн өнөөгийн эдийн засгийн өөрчлөлтөд тохируулан өнгөц шийдэх асуудал биш малчин хүн байгаль, нийгмийн өөрчлөлтийн үйл явцыг бүрэн  ойлгосны үндсэн дээр хүн төрөлхтөн ирээдүй хойч үедээ байгалийн нөөц баялгаа хамгаалан үлдээх асуудлыг цогцоор шийднэ гэсэн үг.

Сургалт, судалгааны зорилго:

ТХГН-ийн хамгаалалтын захиргааны мэргэжилтэн, байгаль хамгаалагчдыг бэлчээрийн мониторинг хийх арга зүйд сургах, чадавхижуулах, орон нутгийн сургагч багшийг бэлтгэх

Гарах үр дүн:

А. Цахим сургалтаар бэлчээрийн мониторинг судалгааны үндсэн арга зүйг судалж, бэлчээрийн хэв шинжүүд түүний тархацын зүй тогтол, ургамлын зүйлүүд, ургац, багтаамж, талхлагдлын үнэлгээ, бэлчээр ашиглалтын хэлбэр г.м. ухагдахуун, ойлголтыг эзэмшинэ. Б. Хээрийн дадлага судалгаанд оролцсоноор ТХГН-ийн байгаль хамгаалагч, мэргэжилтнүүд орон нутгийн бэлчээрээ судлах, бэлчээрийн ургамлуудаа таних, бэлчээр ашиглалтын байдлыг тодорхойлж үнэлэх чадварыг эзэмшинэ. В. Малчдад явуулах бэлчээрийн сургалтад оролцсоноор судалгааны баримтыг  боловсруулан сургалт, суртчилгаанд ашиглах болон мэдлэгээ учир шалтгааныг тайлбарлах, ахуй амьдралд хэрэглэхэд суралцахын дээр суралцахуйн үйл ажиллагааны явцад шийдвэр гаргуулах контекст төвтэй асуудал шийдвэрлэх аргыг  хэлэлцүүлэгт ашиглаж сурна.

Та  бүхэн дараах  байдлаар  сургалтад оролцоно. Үүнд:

1. Бүртгүүлнэ.
2. Цахим  хичээлийн онолын агуулгыг уншаад багшаас лавлан асуух зүйлээ бичиж үлдээнэ.
3. Багшийн туслалцаатайгаар нэмэлт ном сурах бичгийг судална. Монголын ургамал   судлаачдын дунд үеийнхнээс тодрон гарсан нэрт эрдэмтэн, доктор Хөхөөгийн Буян-Орших агсны “Геоботаник, геоботаникийн  судалгааны арга зүй” номоос судалгааны арга зүйг дэлгэрүүлэн унших боломжтой. Өнөө цаг дор геоботаникийн шинжлэх ухааны хэд хэдэн шавь сургууль, тэр бүгдээс боловсруулсан мөн хэд хэдэн арга зүй байдагт судлаач, багш Х.Буян-Орших дүн шинжилгээ хийж,  Оросын геоботаникийн шавь сургуулийн судалгааны арга зүй (ангилал болон ажиглалт судалгааны) дээр гол анхаарлаа төвлөрүүлэхийн сацуу бусад шавь  сургуулиудаас боловсруулсан арга зүйтэй нэг бүрчлэн танилцаад Монгол орны   байгаль цаг уурын өвөрмөц нөхцөлд тохируулан бүтээлчээр хэрэглэсэн байдаг.
4. 8 бүлэг сэдвээр судлах хичээлийн эцэст өөрийгөө дүгнэх тестийн даалгавруудыг орууллаа. Тестийг нэг л удаа ажиллах боломжтойг анхаараарай. Таны хийсэн  ажлын үнэлгээ хичээл бүр дээр хадгалагдаж үлдэх юм.
5. Сургалтын явцад оролцогчдод тухайн нутгийн бэлчээрийн онцлог, ашиглалт, хамгаалалттай, холбоотой бие даан гүйцэтгэх даалгавар өгөгднө. Бие даалтын даалгаварыг зааврын дагуу гүйцэтгэж хугацаанд нь багшид илгээнэ.

Багштай харилцах хаяг: damdinsureno@yahoo.com